សៀមរាប៖ នាយករដ្ឋមន្ត្រី សម្ដេចតេជោ ហ៊ុន សែន បានបញ្ជាដល់ជំនួយការរបស់សម្ដេច ឱ្យផ្ដល់ប្រាក់ឧបត្ថម្ភដល់ជនមានពិការភាពណាបានមកចូលរួមក្នុងកម្មវិធីសាធារណៈរបស់សម្ដេច ដើម្បីជាការលើកទឹកចិត្ត។ 

ថ្លែងក្នុងពិធីជួបសំណេះសំណាលជាមួយពលរដ្ឋដែលព្រមផ្លាស់ទីលំនៅនៅតំបន់ពាក់ស្នែង ព្រឹកថ្ងៃទី២២ ខែតុលានេះ សម្ដេចតេជោ ហ៊ុន សែន បានលើកឡើងថា៖ «នេះចេះ ហ៊ុន សែន មើលនឹងភ្នែកឃើញ ជួបម្ដង ឃើញម្ដង ស្រែកម្ដង។ ឥឡូវឱ្យតែមានពិការមកជូនគាត់ ១លានៗទៅ។ ១៣នាក់ ជូន ១៣លានទៅមិនមានថាអីទេ! អីក៏ពិបាកម្លេះ។ បើជនពិការមកហើយ ជូនគេឱ្យលើសគេ អ្នកដទៃទៀតដែលមិនពិការ ក៏គាត់មិនថាអីដែរ»។ 

សម្ដេចតេជោ ហ៊ុន សែន តែងបង្ហាញនូវការយកចិត្តទុកដាក់ដល់ជនមានពិការភាពជានិច្ចទាំងការដាក់ចេញនូវគោលនយោបាយជាតិ និងការពារនូវសិទ្ធិជនមានពិការភាពក្នុងប្រទេស។ ជាទូទៅក្នុងកម្មវិធីនានាដែលសម្ដេចតេជោ បានចូលរួម សម្ដេចតែងផ្ដល់ថវិកាបន្ថែមដល់ជនមានពិការភាពដែលបានចូលរួមជានិច្ច៕ 

PHOTO: ហ៊ុន យុទ្ធគុណ